Iraupeneko eskian, edozein kiroletan bezala, arauak daude. Hauek eskiatzaile guztiek errespeta ditzatela eginak dira. Horrela eski praktika era ordenatu batean eta inongo arriskurik gabe gertatuko da.

1. Eski-bidearen aukeraketa. Bide bat baino gehiago baldin badago eskiatzaileak beti eskuinekoa aukeratu beharko du.

2. Taldeka doazen eskiatzaileak ilara batean joan beharko dute eta eskuineko aldetik.

3. Ezkerraldeko eski-bideak beste norantz batekin datozenentzat edo aurreratu behar duten eskiatzaileentzat izango dira.

4. Aurrerapenak. Aurrean dagoen eskiatzaileak ez dago behartuta bidea emateko, baina ahal den neurrian datorren eskiatzaileari bidea libre laga beharko dio. Beti ere, arriskurik ez badago.

5. Bidegurutzeak: Bi norabideetako pisteetan eskiatzaileak eskuinetik datozenei bidea eman beharko die.

6. Aurreratzean edo bidegurutzeetan, eskiatzaileek, bai aurreratuak bai aurreratzen ari denak, makilak gorputzaren ondoan eduki beharko ditu.

7. Geldiketak. Geldiketak bidetik kanpo egin behar dira beti.